Dioddefaint i nifer o’r ffefrynnau ar gymal tu hwnt i heriol, wrth i Greg van Avermaet sicrhau mae yn ei feddiant o y byddai’r crys melyn ar y diwrnod gorffwys cyntaf.
John Degenkolb yn fuddugol
Gydag ychydig dros 15km i fynd wedi i ddihangiad o 10 fod allan drwy’r dydd, ymosododd dri reidiwr o’r peloton i geisio am y fuddugoliaeth.
Yr Almaenwr, John Degenkolb (Trek-Segafredo; pencampwr Gwlad Belg, Yves Lampaert (Quick-Step Floors); a’r crys melyn Greg van Avermaet (BMC) lwyddodd i gadw allan tan y diwedd.
Yn y wib, roedd hi’n anochel taw Degenkolb fyddai a’i drwyn dros y llinell yn gyntaf diolch i’w gyflymder a’i brofiad.
Van Avermaet orffennodd yn ail gyda Lampaert yn drydydd.
Ffefrynnau’n cael diwrnod cymysglyd
Llun: Nia Davies (anfonwyd dros Twitter)
Roedd lwc yn erbyn yr Awstraliad Richie Porte (BMC) ar y cymal hwn wrth iddo orfod ymadael a’r ras cyn cyrraedd y crynfeini.
Dioddefodd godwm lle mae’n debyg iddo dorri pont ei ysgwydd.
Roedd hi’n ddiwrnod trychinebus i Romain Bardet (AG2R La Mondiale) wrth iddo golli amser ynghyd ac eraill megis Tejay van Garderen, Mikel Landa a Rigoberto Uran.
Ond, yn lwcus i’r Cymry, roedd Geraint Thomas yn ddiogel ynghyd a nifer o’r ffefrynnau eraill fel Quintana, Yates, Froome a Bob Jungels.
Oriel
Gweler gredydau’r lluniau wrth glicio ar yr unigolion.
Canlyniadau
Cymal 9
Dosbarthiad Pwyntiau
Dosbarthiad Mynyddoedd
Dosbarthiad Ieuenctid
Dosbarthiad Timau
Dosbarthiad Cyffredinol
Diwrnod gorffwys sydd ar ddydd Llun, y 16eg o Orffennaf, felly bydd cyfle i ragolygu’r wythnos sydd i ddod bryd hynny.
Cofiwch, os nad ydych yn fy nilyn ar Twitter, gellir gwneud hynny – @cycling_dragon.