TDF #6

Peter Sagan barhaodd ei oruchafiaeth yn nosbarthiad y crys gwyrdd ar gymal 5 gyda buddugoliaeth haeddiannol.

Sagan a’i rym yn ormod

Mi arhosodd y dihangiad allan ar y ffordd tan y cilometrau olaf cyn i arbenigwyr y clasuron danio’u hawch am fuddugoliaeth dros y ddringfa olaf.

Nid oedd unrhyw ymosodiadau o’n bell allan gyda phawb yn cadw’u hegni at ddiweddglo tanllyd.

Dyna a gawsom wrth i’r holl ffefrynnau am y gymal frwydro’n agos iawn am y fuddugoliaeth.

Cychwynnodd y crys melyn Greg van Avermaet ei ymosodiad ychydig yn rhy gynnar, a choncrwyd Philippe Gilbert a Sonny Colbrelli wrth i Sagan gael ei drwyn dros y llinell derfyn yn gyntaf.

Van Avermaet dal mewn melyn

Greg van Avermaet ddaliodd ei afael ar y maillot jaune ar ol cryn dipyn o waith caled gan ei dim, BMC.

Er i Sky orffen yn ddiogel tu ol i’r grwp blaen, disgynnodd Geraint Thomas i’r 4ydd safle ar y dosbarthiad cyffredinol yn sgil Philippe Gilbert yn cipio eiliadau bonws.

Canlyniadau

Cymal 5

  1. Peter Sagan (SFC) Bora-Hansgrohe

  2. Sonny Colbrelli (EID) Bahrain-Merida, yr un amser

  3. Philippe Gilbert (BLG) Quick-Step Floors

  4. Alejandro Valverde (SBA) Movistar

  5. Julian Alaphilippe (FFR) Quick-Step Floors

Dosbarthiad Bwyntiau

  1. Peter Sagan (SFC) Bora-Hansgrohe, 180 pwynt

  2. Fernando Gaviria (COL) Quick-Step Floors, 147 pwynt

  3. Alexander Kristoff (NOR) UAE Team Emirates, 78 pwynt

Dosbarthiad Ieuenctid

  1. Soren Kragh Andersen (DEN) Sunweb

  2. Egan Bernal (COL) Sky, +01:08

  3. Magnus Cort Nielsen (DEN) Astana, +01:39

Dosbarthiad Mynyddoedd

  1. Tom Skuijns (LAT) Trek-Segafredo, 4 pwynt

  2. Sylvain Chavanel (FFR) Direct-Energie, 4 pwynt

  3. Lilian Calmejane (FFR) Direct-Energie, 3 pwynt

Dosbarthiad Timau

  1. Quick-Step Floors

  2. BMC

  3. Sunweb

Dosbarthiad Cyffredinol

  1. Greg van Avermaet (BLG) BMC

  2. Tejay van Garderen (UDA) BMC, +2 eiliad

  3. Philippe Gilbert (BLG) Quick-Step Floors, +3 eiliad

  4. Geraint Thomas (CYM) Sky, +5 eiliad

  5. Julian Alaphilippe (FFR) Quick-Step Floors, +6 eiliad

  6. Bob Jungels (LUX) Quick-Step Floors, +9 eiliad

  7. Tom Dumoulin (ISE) Sunweb, +13 eiliad

  8. Soren Kragh Andersen (DEN) Sunweb, “

  9. Rigoberto Uran (COL) EF-Drapac, +37 eiliad

  10. Rafal Majka (PWY) Bora-Hansgrohe, +52 eiliad

Cymal 6

Rhywbeth tebyg i gymal 5 sydd ar y fwydlen ar gyfer cymal 6, gyda’r sbeis ychwanegol o ymddangosiad wal Mur de Bretagne ddwywaith.

Yn ychwanegol at hynny, mae dwy ddringfa wedi’w categoreiddio – un gategori 3 a’r llall yn gategori 4.

Er gwaethaf hyn, mae’n debyg taw’r awr olaf o reidio fydd y gwir sialens, gyda’r ffordd yn fryniog tuag at y diwedd lle bydd y puncheurs yn cael eu profi unwaith eto.

Mae’n *bosib* y bydd rhai timau DC yn ceisio rhoi amser mewn i’w cyd-ffefrynnau gan fydd rhai yn dioddef ar y gymal yma.

Darogan

Er y bydd Alejandro Valverde, *Geraint Thomas* a Peter Sagan yn agos iawn at gopa podiwm y cymal hwn, Julian Alaphilippe yw’r un i’w wylio yn fy marn i.

#TourdeFrance