Dylan Groenewegen oedd yn fuddugol am yr ail ddiwrnod yn olynol ar gymal 8 mewn gwib anniben.
Gaviria a Greipel yn cael eu halltudio
Clatshodd Fernando Gaviria ac Andre Greipel i mewn i’w gilydd yn ystod y wib wrth iddynt golli eu safleoedd ar y podiwm.
Yn wreiddiol, dynodwyd hwynt yn ail a thrydydd, ond wedi’r penderfyniad gan y comissaires, John Degenkolb a Peter Sagan wobrwywyd gyda thrydydd ac ail.
Ond mae’n braf gallu gweld Dylan Groenewegen, yr Iseldirwr ifanc, yn serennu gan blesio nifer o’i gefnogwyr a’i dim.
Martin yn colli amser
Wedi damwain yn ystod y cilometrau olaf, collodd Dan Martin lawer iawn o amser a bellach ef sydd ar waelod y “virtual GC”, 2 funud a 40 eiliad tu ol i Geraint Thomas.
Bydd hyn yn rhwystredig iawn iddo wedi ei fuddugoliaeth ar y Mur de Bretagne.
Canlyniadau
Cymal 8
Dosbarthiad Pwyntiau
Dosbarthiad Mynyddoedd
Dosbarthiad Ieuenctid
Dosbarthiad Timau
Dosbarthiad Cyffredinol
Yr holl wybodaeth oddi ar wefan procyclingstats.com
Cymal 9
Hwn yw’r cymal hir-ddisgwyliedig gyda’r reidwyr un ai’n awchu neu’n hunllefu am grynfeini Roubaix cymal 9.
Hwn yw’r cymal cyntaf all wir siapio’r Tour de France ac mae hi’n anochel y bydd un o’r ffefrynnau’n colli munudau.
Bydd yn ddiddorol gweld tactegau Sky – mae’n bwysig cael pawb ar y blaen – a fyddent yn anfon Geraint neu Kwiatkowski am fuddugoliaeth?
Darogan
Dwi’n meddwl y bydd Quick-Step yn ceisio goruchafu’r cymal hwn gydag enwau fel Niki Terpstra, ond proffwydaf y bydd Philippe Gilbert yn cipio buddugoliaeth i symud i’r crys melyn.