Mae Cymru'n baradwys i seiclwyr, ac mae'r gyfres 'Stepen Drws' yn prysur ddod o hyd i reids, dringfeydd a chaffis gorau'r genedl.
Dyma bump o ddringfeydd gorau'r Gogledd Ddwyrain - diolch i'm dilynwyr Trydar am eich sylwadau a syniadau. Os fethoch chi gofnod y Gogledd Orllewin, cliciwch yma.
1 Allt Gwaenysgor
Tair bachdro poenus - gan gynnwys un 33% (sydd, gyda llaw, yn 'amcangyfrif geidwadol') a llethrau anioddefol di-drugaredd. Dringfa epic arall i'w choncro.
2 Pen Barras
Yn uchel uwch Rhuthun mae dringfa Pen Barras. Unwaith eto, mae'r llethrau ar raddiant aruthrol ac mae'r bachdro 25% yn galed ond mae'n her werthfawr erbyn y copa. Dydw i heb fod yn ol ers i mi'w goncro bedair mlynedd yn ol.
3 Melin y Wig
Ym mhentref anghysbell Melin y Wig (lle na welodd y bachgen bach damaid o gig yn y hwiangerdd), mae tardd dringfa serth sydd a graddiant hyd at 25% - gan gynnwys bachdro arallfydol arall; thema amlwg yn y rhanbarth yma. Mae golygfeydd gwych ar y copa o sir Ddinbych.
4 Betws Gwerful Goch
Wedi'w guddio heb fod ymhell o Faerdy a Chorwen, mae dringfa anadnabyddus a graddiannau anhygoel unwaith yn rhagor. Mae'n ddi-drugaredd - ond rhaid cadw ychydig at y bachdro thematig. Wedi'r copa, bydd disgyniad pleserus i fistro Rhug.
5 Bwlch yr Oernant
Mae'r ddringfa nodedig yma - 'Horseshoe Pass' - yn un a graddiant cyson heb fod ag unrhyw glips serth. 3 milltir caled ond eto mae'r golygfeydd tuag at yr arfordir gogleddol yn rhai godidog ar ddiwrnod brawf. Dringfa arall i'w fwynhau.
Diolch am eich cyfraniadau - edrych ymlaen at gofnod y Canolbarth wythnos nesaf!
Comments